Sunday, September 18, 2016

 اہلیان  بیروٹ 
سی کاز یونیورسٹی آف سائنس و ٹیکنالوجی پشاور اور لاہور کے اونرز بھی ہیں
*******************
یو سی بیروٹ کو ۔۔۔۔۔ یوں تو لاتعداد اعزازات حاصل ہیں ۔۔۔۔۔ مگر ۔۔۔۔۔ جس اعزاز کا آج آپ سے تعارف کروانا چاہتا ہوں وہ ۔۔۔۔۔ نشان حیدر اور نشان پاکستان ۔۔۔۔۔ سے بھی بڑا ہے ۔۔۔۔۔ یوں تو کیلالا، باسیاں( بیروٹ) سے تعلق رکھنے والا من موہن سنگھ ہندوستان کے وزیر اعظم ۔۔۔۔۔ جبکہ ۔۔۔۔ سنٹرل بیروٹ کے ٹھیکیدار محمد امین خان کے بیٹے محمد شفیع قریشی ۔۔۔۔۔ دو بھارتی صوبوں کے گورنر بھی رہ چکے ہیں اور آج بھی وہ مقبوضہ کشمیر کے حلقے اسلام آباد، اننت ناگ سے رکن بھارتی سینٹ (راجیہ سبھا) ہیں ۔۔۔۔۔ اس موقع پر بیروٹ کو دیکھیں تو ۔۔۔۔۔ ماشا اللہ یہ اپنے سیاسی کرتا دھرتائوں کے گزشتہ 35برسوں کا ایک اجڑا دیار لگتا ہے ۔۔۔۔۔ جہاں کے طبی اور تعلیمی ادارے ۔۔۔۔۔ شہر بابل کے کھنڈرات نظر آتے ہیں ۔۔۔۔۔ اس کے باوجود ۔۔۔۔۔ اسی طبی اور تعلیمی لحاظ سے کے پی کے کے پسماندہ ترین اس آخری یونین کونسل بیروٹ میں گزشتہ دو سالوں کے دوران ۔۔۔۔۔ پی ایچ ڈی سکالرز کی تعداد ۔۔۔۔۔ 25 سے بڑھ کر 28، ایم فل 30 سے بڑھ کر40 اور اتنے ہی اس وقت پائپ لائن میں ہیں جو ۔۔۔۔۔ اگلے تین چار سال میں دنیا کی سب سے اعلیٰ ڈگریاں لیکر میدان عمل میں ہوں گے ۔۔۔۔ مگر ۔۔۔۔۔ اس سے بھی بڑھ کر اہلیان بیروٹ کی خوش بختی یہ ہے کہ وہ ۔۔۔۔۔ صوبائی دارالحکومت پشاور میں نجی شعبہ کے اعلیٰ تعلیم کا بڑے ادارے۔۔۔۔۔ Cecos University of Science & Technology ۔۔۔۔۔ کے اونر بھی ہیں ۔۔۔۔۔ یہی وہ اعزاز ہے کہ ۔۔۔۔ پورے ہزارہ ڈویژن اور ضلع راولپنڈی میں ۔۔۔۔۔ ان کا اس میں کوئی ہمسر و شریک نہیں ۔۔۔۔۔ الحمد للہ
 یونین کونسل کے علاقہ کی اوخی ۔۔۔۔ مشکل ۔۔۔۔ ہر دور میں نظرانداز ہونے والی ۔۔۔۔ وعدہ فردا پر بہلائی جانے والی ۔۔۔۔ اور ہر قسم کی سہولیات سے محروم ۔۔۔۔ بیروٹ خورد کی سرزمین ۔۔۔۔۔ فکری اور تہذیبی لحاظ سے بہت زرخیز دھرتی ہے ۔۔۔۔ یہاں کے پتے پتے اور بوٹے بوٹے سے خلوص شہد کی طرح ٹپکتا ہے ۔۔۔۔۔ یہاں کے لوگ ۔۔۔۔۔ اپنے آئیڈیل پر سچا اورسُچا پیار پیار نچھاور کرتے ہیں ۔۔۔۔۔ یہاں سے 1930کی دہائی میں دو فیملیز نے ہجرت کی ۔۔۔۔۔ ایک عالم فاضل علما کی قریشی فیملی تھی جو بیروٹ خورد میں ۔۔۔۔۔ سینٹرل موہڑہ ۔۔۔۔ میں صدیوں سے رہائش پذیر تھی ۔۔۔۔۔ اس جگہ کا موجودہ نام ۔۔۔۔۔ ملاں ناں کھولا ۔۔۔۔۔ ہے جہاں ایک کھولا اور اس کے پہلو میں دس پندرہ اسی فیملی کی قبریں ہیں ۔۔۔۔۔ یہاں سے مولانا میاں میر عالم قریشی ہجرت کر کے پہلے سنگرالاں، وی سی باسیاں آئے ۔۔۔۔۔ اور ۔۔۔۔۔ 1950 ۔۔۔۔ میں راولپنڈی ہجرت کر گئے ۔۔۔۔۔ ان کے پانچ بیٹے تھے اور ان کی اولادیں ۔۔۔۔۔ اسلام آباد کے مختلف وفاقی محکموں میں ڈائریکٹر جنرل بنیں ۔۔۔۔۔ معروف نام ۔۔۔۔۔ ارشاد قریشی کا ہے جو اہلیان تھلہ، باسیاں کے داماد بھی تھے ۔۔۔۔۔ ان کی اولادیں ۔۔۔۔ مزید آگے پڑھ لکھ کر پی ایچ ڈی سکالرز ہیں اور امریکہ، کینیڈا، نیوزی لینڈ اور آسٹریلیا میں مستقل قیام پذیر ہیں ۔۔۔۔۔اسی بیروٹ خورد میں موجوال ڈھونڈ عباسیوں کا ایک اور خاندان تھا، اس کے سربراہ ۔۔۔۔۔ سردار مغل خان تھے ۔۔۔۔۔ 1930 میں انہوں نے پہلے تھاتھی ۔۔۔۔ بیروٹ کلاں ہجرت کی ۔۔۔۔۔ یہاں سے وہ پشاور کی طرف بڑھے اور پھر اپنی اولاد کو بھی وہاں مستقل قیام پذیر کر دیا ۔۔۔۔۔ ان کے ایک بیٹے ۔۔۔۔۔ سلیم احمد عباسی ۔۔۔۔۔ تھے، انہوں اسلامیہ کالج پشاور سے گریجویشن کی، ایل ایل بی کے بعد وکالت کا پیشہ اختیار کیا، ایک بار دورہ پشاور کے دوران بانی پاکستان قائد اعظم محمد علی جناح کے اعزاز میں استقبالیہ بھی دیا ۔۔۔۔ اور ۔۔۔۔۔ سرحدی گاندھی کے دیس میں 14اگست 1947 تک مسلم لیگ کا پرچم اعلانیہ لہراتے رہے ۔۔۔۔۔ ان کے والد سردار مغل خان نے پشاور رہتے ہوئے بھی اپنا تعلق بیروٹ سے نہیں توڑا ۔۔۔۔ اور ۔۔۔۔۔ کولالیاں، بیروٹ کےنذر محمد خان اور ایوب خان کے بہنوئی ٹھہرے ۔۔۔۔ یوں ۔۔۔۔۔ ان کا بیروٹ آنا جانا، شادی غمی میں شرکت کا سلسلہ ان کی وفات تک جاری رہا۔
سردار مغل خان کے پوتے ۔۔۔۔۔ کلیم عباسی تھے ۔۔۔۔۔ 2009 میں راقم الحروف کی ان سے ملاقات بھی ہوئی ۔۔۔۔۔ میں سٹیٹ لائف بلڈنگ صدر پشاور میں ہاشمی صاحب کی اورئینٹ ایڈورٹائزنگ ایجنسی میں اپنے شادی کے دوست اور منیجر کلیم عباسی آف بھن، بیروٹ خورد کے پاس بیٹھا تھا، بیروٹ کے لانڈھی، کراچی میں بزنس مین راجہ حیدر زمان عباسی کے سگے بھانجھے نثار عباسی نے کچھ عرصہ قبل ان کا غائبانہ تعارف کرایا تھا، پشاور میں اپنی موجودگی کا فائدہ اٹھاتے ہوئے انہیں کال کی ۔۔۔۔۔ اور ۔۔۔۔ دس منٹ کے بعد وہ کلیم عباسی کے دفتر میں موجود تھے ۔۔۔۔ دراز قد، کالے سفید بالوں پر مشتمل داڑھی ۔۔۔۔۔ بدن بھرا ہوا مگر سمارٹ ۔۔۔۔۔ ہم نے ان کا گرم جوشی سے استقبال کیا، بہت خوش ہوئے اور کافی پرانی باتوں پر بھی ہم ایک گھنٹے تک گفتگو کرتے رہے ۔۔۔۔ ہم دونوں کو انہوں نے ۔۔۔۔۔ اپنے گھر آنے کی دعوت بھی دی ۔۔۔۔ یہ ان سے میری پہلی اور آخری ملاقات تھی ۔۔۔۔ مگر ان کی شخصیت ۔۔۔۔۔ میرے دل و دماغ پر چھا گئی ۔۔۔۔ اس کے علاوہ کلیم عباسی ایک الیکٹرک انجینئر بھی تھے اور انہوں نے ۔۔۔۔۔۔ ہادی انسانیت حضرت محمد ﷺ کے آشیانے اور مسجد نبوی کے موجودہ الیکٹرک پلان کو بھی تشکیل دیا تھا جو اس وقت بھی کامیابی سے روضہ رسول پر روشنی بکھیر رہا ہے۔۔۔۔ گزشتہ سال بیروٹ کے اس عظیم آدمی ۔۔۔۔ کلیم عباسی نے لیڈی ریڈنگ ہسپتال میں آخری ہچکی لی ۔۔۔۔ اور وہاں پہنچ گیا جہاں سے کوئی کبھی واپس نہیں آیا ۔۔۔۔ بیروٹ کا یہ عظیم شخص ۔۔۔۔۔ پشاور کی عظیم نجی علمی درسگاہ ۔۔۔۔۔ Cecos University of Science & Technology کا بانی تھا ۔۔۔۔۔ ہر سال یہاں سے پی ایچ ڈی اور ایم فل کے دس سے پندرہ سکالرز ۔۔۔۔۔ سند فضیلت حاصل کر کے نکلتے ہیں ۔۔۔۔ اسی وجہ سے مجھے کہنے دیجئے کہ ۔۔۔۔۔ اہلیان بیروٹ جس اعزاز کے مالک ہیں وہ ملک کے سب سے بڑے فوجی اور سول اعزاز ۔۔۔۔۔ نشان حیدر اور نشان پاکستان ۔۔۔۔۔ سے بھی بڑا ہے ۔۔۔۔ کیونکہ ۔۔۔۔ تعلیمی ادارے ہوں گے تو ۔۔۔۔۔ نشان حیدر اور نشان پاکستان ۔۔۔۔۔ حاصل کرنے والے بھی پیدا ہونگے ۔۔۔۔۔ ارشاد باری تعالیٰ ہے کہ ۔۔۔۔۔ کیا اندھے اور آنکھوں والے برابر ہو سکتے ہیں ۔۔۔۔۔بیروٹ کے کچھ ذرائع دعویٰ کرتے ہیں کہ ۔۔۔۔۔ وہ مٹی کا قرض اتارنے کیلئے بیروٹ میں بھی سی کاز یونیورسٹی کا ایک کیمپس کھولنا چاہتے تھے ۔۔۔۔۔ اس سلسلے میں ۔۔۔۔۔ انہوں نے سیڈا سکول سسٹم میں بی ایڈ کی کلاسوں کا اجرا بھی کروایا تھا مگر مختلف لوگوں کی مبینہ سازشوں کی وجہ سے یہ بیل منڈھے نہ چڑھ سکی ۔۔۔۔۔ ذرائع کا کہنا ہے کہ اس معاملے میں ۔۔۔۔۔ کچھ جندر ٹہلے تھے اور کچھ آٹے بھی گلے تھے ۔۔۔۔۔۔ بہر حال ۔۔۔۔۔ وہ بیروٹ کی مٹی کے بندے تھے ۔۔۔۔۔ خدا ان کو ان کی نیت کے ثواب سے ہمکنار اور انہیں کروٹ کروٹ فردوس کی باد نسیم اور خوشبوئیں عطا فرمائے ۔۔۔۔۔ آمین ثم آمین یا رب العالمین۔

No comments:

Post a Comment